हरिः ओम्

Sloka Text in Telugu , Kannada, Gujarati, Devanagari, English

સુંદરકાંડ.
અથ એકત્રિંશસ્સર્ગઃ

એવં બહુવિધાં ચિંતાં ચિંતયિત્વા મહાકપિઃ|
સંશ્રવે મધુરં વાક્યં વૈદેહ્યા વ્યાજહાર હ||1||

રાજા દશરથો નામ રથ કુંજિર વાજિમાન્|
પુણ્યશીલો મહાકીર્તિ ઇક્ષ્વાકૂણાં મહયશાઃ||2||

રાજર્ષીણાં ગુણશ્રેષ્ઠઃ તપસાચર્ષિભિસ્સમઃ|
ચક્રવર્તિકુલે જાતઃ પુરંદરસમો બલે||3||

અહિંસારતિ રક્ષુદ્રો ઘૃણી સત્યપરાક્રમઃ|
મુખ્યશ્ચ ઇક્ષ્વાકુવંશસ્ય લક્ષ્મીવાન્ લક્ષ્મિવર્ધનઃ||4||

પાર્થિવવ્યંજનૈર્યુક્તઃ પૃથુશ્રીઃ પાર્થિવર્ષભઃ|
પૃથિવ્યાં ચતુરંતાયાં વિશ્રુત સ્સુખદઃ સુખી||5||

તસ્ય પુત્ત્રઃ પ્રિયોજ્યેષ્ઠઃ તારાધિપનિભાનનઃ|
રામો નામ વિશેષજ્ઞઃ શ્રેષ્ઠઃ સર્વધનુષ્મતામ્||6||

રક્ષિતા સ્વસ્ય ધર્મસ્ય સ્વજનસ્ય ચ રક્ષિતા|
રક્ષિતા જીવલોકસ્ય ધર્મસ્ય ચ પરંતપઃ||7||

તસ્ય સત્યાભિસંધસ્ય વૃદ્ધસ્ય વચનાત્ પિતુઃ|
સભાર્યઃ સહ ચ ભ્રાત્રા વીરઃ પ્રવ્રાજિતો વનમ્||8||

તેન તત્ર મહારણ્યે મૃગયાં પરિધાવતા|
રાક્ષસા નિહતાશ્શૂરા બહવઃ કામરૂપિણઃ||9||

જનસ્થાન વધં શ્રુત્વા હતૌ ચ ખરદૂષણૌ|
તત સ્ત્વમર્ષાપહૃતા જાનકી રાવણેન તુ||10||

વંચયિત્વા વને રામં મૃગરૂપેણ માયયા|
સમાર્ગમાણસ્તાં દેવીં રામઃ સીતામનિંદિતામ્||11||

અસસાદ વને મિત્રં સુગ્રીવં નામ વાનરં |
તતઃ સ વાલિનં હત્વા રામઃ પરપુરંજયઃ||12||

પ્રાયચ્છત્ કપિરાજ્યં તત્સુગ્રીવાય મહાબલઃ|
સુગ્રીવેણાપિ સંદિષ્ટા હરયઃ કામરૂપિણઃ||13||

દિક્ષુ સર્વાસુ તાં દેવીં વિચિન્વંતી સહસ્રશઃ|
અહં સંપાતિ વચનાત્ શતયોજનમાયતમ્||14||

અસ્યા હેતૌ ર્વિશાલાક્ષ્યાઃ સાગરં વેગવાન્ પ્લુતઃ|
યથારૂપં યથાવર્ણાં યથાલક્ષ્મીં ચ નિશ્ચિતામ્||15||

અશ્રૌષં રાઘવસ્યાહં સેય માસાદિતા મયા|
વિરરામૈવ મુક્ત્વાસૌ વાચં વાનરપુંગવઃ||16||

જાનકી ચાપિ તત્ શ્રુત્વા પરં વિસ્મયમાગતા|
તતઃ સા વક્રકેશાંતા સુકેશી કેશસંવૃતમ્||17||

ઉન્નમ્ય વદનં ભીરુ શ્શિંશુપાવૃક્ષ મૈક્ષત||18||
નિશમ્ય સીતા વચનં કપેશ્ચ દિશશ્ચ સર્વાઃ પ્રદિશશ્ચવીક્ષ્ય|
સ્વયં પ્રહર્ષં પરમં જગામ સર્વાત્મના રામમનુસ્મરંતી||19||

સાતિર્યગૂર્ધ્વં ચ તથા પ્યધસ્તાન્ નિરીક્ષમાણા તં અચિંત્ય બુદ્ધિમ્|
દદર્શ પિંગાધિપતેરમાત્યમ્ વાતાત્મજં સૂર્ય મિવોદયસ્થમ્||20||

ઇત્યાર્ષે શ્રીમદ્રામાયણે આદિકાવ્યે વાલ્મીકીયે
ચતુર્વિંશત્ સહસ્રિકાયાં સંહિતાયામ્
શ્રીમત્સુંદરકાંડે એકત્રિંશસ્સર્ગઃ||

||ઓં તત્ સત્||

|| Om tat sat ||